काठमाडौं । भोलि अर्थात साउन २४ गते मंगलबार नागरिक लगानी कोषको लाभांश सुरक्षित गर्ने अन्तिम दिन रहेको छ ।
उक्त दिन कोषको ३० प्रतिशत बोनस सेयर र १.५७८९ प्रतिशत नगद लाभांश सुरक्षित गर्ने दिन रहेको छ ।
कोषले साधारण सभा र लाभांश वितरण प्रयोजनको लागि साउन २५ गते बुधवार बुक क्लोज भएको छ । योसँगै मंगलबारसम्म कायम सेयरधनीहरुले साधारण सभामा भाग लिन र लाभांश पाउनेछन् ।
कोषले आर्थिक वर्ष २०७७/७८ सम्मको सञ्चित मुनाफाबाट ३० प्रतिशत बोनस सेयर र कर प्रयोजनका लागि १.५७८९ प्रतिशत नगद लाभांश वितरण गर्ने प्रस्ताव गरेको हो ।
उक्त प्रस्ताव पारितका लागि कोषले भदौ ६ गते साधारण सभा बोलाएको छ ।
वि.सं.२०७९ साउन २३ सोमवार १४:४६ मा प्रकाशित