काठमाडौं । सयपत्री हाइड्रोपावर कम्पनीको आईपीओ बाँडफाँड भएको छ ।
कम्पनीको बिक्री प्रबन्धकान एनआइबीएल एस क्यापिटलको कार्यालयमा बिहान १० बजे आईपीओ बाँडफाँड भएको हो ।
कम्पनीको आईपीओमा मागभन्दा २५ गुणा बढी आवेदन परेको छ । सीडीएस एण्ड क्लियरिङ लिमिटेडका अनुसार कम्पनीको आईपीओमा आवेदन दिने अन्तिम दिनसम्ममा १५ लाख बढीले आवेदन दिएका हुन् ।
कम्पनीको आईपीओमा १५ लाख २३ हजार ७०३ जनाले १ करोड ७२ लाख ४५ हजार ८० कित्ता सेयरका लागि आवेदन दिएका छन् । यो मागभन्दा २५.२२ गुणा बढी हो ।
कम्पनीले साउन १३ गतेदेखि आयोजना प्रभावित क्षेत्रका वासिन्दाहरुका लागि आईपीओ निष्काशन गरेपश्चात अब सर्वसाधारणका लागि जारी गरेको थियो ।
कम्पनीले आयोजना प्रभावित स्थानीयले नकिनेको १ लाख २१ हजार ६० कित्तासमेत थप गरी कुल ७ लाख २१ हजार ६० कित्ता सेयर निष्कासन गर्न लागेको हो । यसमध्ये ५ प्रतिशत अर्थात ३६ हजार ५३ कित्ता सेयर समूहिक लगानी कोष र २ प्रतिशत अर्थात १४ हजार ४२१ कित्ता सेयर कम्पनीका कर्मचारीहरुका लागि छुट्याइएको छ । बाँकी ६ लाख ७० हजार ५८३ कित्ता सेयरमा सर्वसाधारणले आवेदन दिनसक्ने व्यवस्था गरेको थियो ।
कम्पनीको आईपीओमा माग भन्दा बढी आवेदन परेकाले आईपीओ गोलाप्रथाबाट वितरण भएको छ । ६७ हजार ५८ जना आवेदकले १० कित्ताका दरले सेयर पाएका छन् । जसमध्ये ६ जना आवेदकले थप १ कित्ता अर्थात ११ कित्ता दरले सेयर पाएका हुन । बाँकी साढे १५ लाख आवेदकको हात खाली भएको छ ।
आईपीको नतिजा हेर्नका लागि :
1. कम्पनीको वेबसाइट: http://sayapatrihydropower.com/
2. बिक्री प्रबन्धको वेबसाइट : https://www.niblcapital.com/
3. मेरो शेयरको वेबसाइट : https://meroshare.cdsc.com.np/#/login
4. सिडिएसको वेबसाइट : https://iporesult.cdsc.com.np/
वि.सं.२०७९ साउन २४ मंगलवार १०:३२ मा प्रकाशित
