काठमाडौं । रु रु जलविद्युत कम्पनीले ९ करोड बढी नाफा कमाएको छ ।
कम्पनीले सार्वजनिक गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ९ करोड ३० लाख ९० हजार रुपैयाँ नाफा कमाएको छ । कम्पनीको यो नाफा अघिल्लो आवको सोही अवधिको तुलनामा भने ३०.५२ प्रतिशतले बढी हो । अघिल्लो आवमा कम्पनीले ७ करोड १३ लाख १७ हजार रुपैयाँ नाफा कमाएको थियो ।
कम्पनीको विद्युत बिक्री आम्दानी वृद्धि भएकाले नाफा बढेको हो । गत आवमा कम्पनीले विद्युत बिक्रीबाट १६ करोड १९ लाख २५ हजार रुपैयाँ आम्दानी गरेको छ । कम्पनीको यो आम्दानी अघिल्लो आवको असार मसान्तसम्मको तुलनामा ८.२१ प्रतिशतले बढी हो । अघिल्लो आवमा कम्पनीले १४ करोड ९६ लाख २६ हजार रुपैयाँ आम्दानी गरेको थियो ।
कम्पनीको चुक्ता पुँजी ४४ करोड ८४ लाख ७६ हजार रुपैयाँ रहेको छ । कम्पनीले जगेडा तथा कोषमा भने १३ करोड ८२ लाख ६६ हजार रुपैयाँ राखेको छ ।
कम्पनीको प्रतिसेयर आम्दानी २० रुपैयाँ ७६ पैसा र प्रतिसेयर नेटवर्थ १३० रुपैयाँ ८३ पैसा रहेको छ ।
वि.सं.२०७९ साउन २४ मंगलवार १२:१५ मा प्रकाशित