काठमाडौं । निर्धन उत्थान लघुवित्त वित्तीय संस्थाले १ अर्ब बढी नाफा कमाएको छ ।
कम्पनीले मंगलबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले १ अर्ब २ करोड ८२ लाख ८१ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा प्रतिशतले १३.५० कमी हो । अघिल्लो आवमा कम्पनीले १ अर्ब १८ करोड ८८ लाख १७ हजार रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी पनि ११.७६ प्रतिशतले घटेर २ अर्ब ९ करोड ७४ लाख ७ हजार रुपैयाँ कायम भएको छ ।
उक्त अवधिमा कम्पनीको संचालन मुनाफा २ अर्ब ७० रकोड १५ लाख ६ हजार रुपैयाँ रहेको छ । गत आवमा कम्पनीको वितरणयोग्य मुनाफा ८ करोड २० लाख ५९ हजार रुपैयाँ रहेको छ । जसका आधारमा कम्पनीको लाभांश क्षमता भने ३६.५३ प्रतिशत रहेको छ ।
कम्पनीको चुक्ता पुँजी २ अर्ब १९ करोड ५० लाख २५ हजार रुपैयाँ रहेको छ । कम्पनीले जगेडा तथा कोषमा भने १ अर्ब ८० करोड ७ लाख ३४ हजार रुपैयाँ राखेको छ ।
उक्त अवधिमा कम्पनीले अघिल्लो आवमा ४.११ प्रतिशत रहेको खराब कर्जा गत आवमा भने घटाएर ३.१३ प्रतिशतमा झारेको छ ।
गत आवमा कम्पनीको प्रतिसेयर आम्दानी ८६ रुपैयाँ ८५ पैसा र प्रतिसेयर नेटवर्थ २१९ रुपैयाँ ८६ पैसा रहेको छ ।
वि.सं.२०७९ साउन २४ मंगलवार १३:०४ मा प्रकाशित
