काठमाडौं । अरुण काबेली पावरले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले गत आवमा २४ करोड ९५ लाख ४१ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा १३.८८ प्रतिशतले कमी हो । अघिल्लो आवमा कम्पनीको नाफा २८ करोड ९७ लाख ९१ हजार रुपैयाँ रहेको थियो ।
गत आवमा कम्पनीको विद्युत बिक्रीबाट हुने आम्दानी पनि प्रतिशतले ६.२८ वृद्धि भई ७५ करोड १० लाख ९९ हजार रुपैयाँ कायम भएको छ । अघिल्लो आवको सोही अवधिमा कम्पनीको यो आम्दानी ७० करोड ६७ लाख ६ हजार रुपैयाँ रहेको थियो ।
गत आवमा कम्पनीको संचालन मुनाफा भने सामान्य (२.७६ प्रतिशत) ले वृद्धि भएको छ । अघिल्लो आवमा ६७ करोड ४२ लाख ८ हजार रुपैयाँ रहेको कम्पनीको संचालन नाफा गत आवमा भने ६९ करोड २८ लाख १९ हजार रुपैयाँ कायम भएको छ ।
कम्पनीको चुक्ता पुँजी १ अर्ब ८५ करोड ५२ लाख १० हजार रुपैयाँ रहेको छ । कम्पनीले जगेडा तथा कोषमा भने २५ करोड ८० लाख ४३ हजार रुपैयाँ राखेको छ ।
कम्पनीको प्रतिसेयर आम्दानी १३ रुपैयाँ ४५ पैसा र प्रतिसेय नेटवर्थ ३०४ रुपैयाँ ६३ पैसा रहेको छ ।
वि.सं.२०७९ साउन २४ मंगलवार १३:२८ मा प्रकाशित