काठमाडौं । युनिक नेपाल लघुवित्त वित्तीय संस्थाले ९ करोड बढी नाफा कमाएको छ।
कम्पनीले सार्वजनिक गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ९ करोड १ लाख ७ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा १७.४५ प्रतिशतले बढी हो । अघिल्लो आवमा कम्पनीले ७ करोड ६७ लाख १४ हजार रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी पनि १४.७३ प्रतिशतले वृद्धि भई २७ करोड ७८ लाख २६ हजार रुपैयाँ पुगेको छ । उक्त अवधिमा कम्पनीको संचालन मुनाफा १२ करोड ७३ लाख ६७ हजार रुपैयाँ कायम भएको छ ।
कम्पनीको चुक्ता पुँजी ११ करोड ६ लाख ३२ हजार रुपैयाँ रहेको छ । कम्पनीको जगेडा तथा कोष भने २६ करोड ४६ लाख ८८ हजार रुपैयाँ रहेको छ ।
गत आवमा कम्पनीले खराब कर्जा पनि ३.११ प्रतिशतले घटाएर ४.३४ प्रतिशतमा झारेको छ ।कम्पनीको प्रतिसेयर आम्दानी ८६ रुपैयाँ ६४ पैसा र प्रतिसेयर नेटवर्थ ३६० रुपैयाँ ८८ पैसा रहेको छ ।
वि.सं.२०७९ साउन २४ मंगलवार १३:४४ मा प्रकाशित
