काठमडौं । स्वस्तिक लघुवित्त वित्तीय संस्थाले गत आर्थिक वर्ष २०७८/७९ को चौंथो त्रैमासिक वित्तीय विवरण प्रकाशित गरेको छ ।
विवरण अनुसार गत आवमा कम्पनीले १ करोड ६० लाख २ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा १२.२९ प्रतिशतले कमी हो । अघिल्लो आवमा कम्पनीले १ करोड ८४ लाख ७४ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी भने ९.१८ प्रतिशतले वृद्धि भई ३ करोड ९९ लाख ७४ हजार रुपैयाँ कायम भएको छ । कम्पनीको संचालन मुनाफा भने २ करोड ४ लाख ८ हजार रुपैयाँ रहेको छ ।
उक्त अवधिमा कम्पनीको खराब कर्जा वृद्धि भएको छ । अघिल्लो आवमा ०.७८ प्रतिशत रहेको खराब कर्जा गत आवको चौंथो त्रैमासममा भने बढेर १.१३ प्रतिशत पुगेको छ ।
कम्पनीको चुक्ता पुँजी ३ करोड ४६ लाख ५० हजार रुपैयाँ रहेको छ । कम्पनीले जगेडा तथा कोषमा भने ३ करोड ७१ लाख रुपैयाँ राखेको छ ।
वि.सं.२०७९ साउन २४ मंगलवार १५:०४ मा प्रकाशित
