काठमाडौं । सेयर बजारमा गिरावट आएको छ । साताको तेस्रो कारोबार दिन पनि बजार ४५.४२ अंकले घटेको हो ।
उक्त दिन बजार परिसुचक नेप्से २०६०.७३ अंकको बिन्दुमा पुगेर बन्द भएको छ । आज सबै समूहहरु राताम्मे बनेका छन् ।
उक्त दिन कारोबार रकममा पनि गिरावट देखिएको छ । आज २ अर्ब ८१ करोड ५१ लाख ४४ हजार रुपैयाँ बराबरको सेयर कारोबार भएको हो ।
उक्त दिन नागरिक लगानी कोषसहित चार कम्पनीको सर्वाधिक सेयर कारोबार भएको छ ।
आज सबैभन्दा बढी नागरिक लगानी कोषको १५ करोड १० लाख ९७ हजार रुपैयाँ बराबरको सेयर खरिदबिक्री भएको हो ।
कारोबार रकमको आधारमा दोस्रो स्थानमा रहेको शिवम सिमेन्टको १३ करोड ८ लाख ७८ हजार रुपैयाँ बराबरको सेयर किनबेच भएको छ।
यस्तै, हिमालयन डिस्टीलरीको १० करोड ७८ लाख ४९ हजार र नबिल बैंकको १० करोड ४२ लाख ९ हजार रुपैयाँ बराबरको सेयर कारोबार भएको छ ।
वि.सं.२०७९ साउन २४ मंगलवार १५:१३ मा प्रकाशित
