काठमाडौं । बुधवार नेपाली बजारमा सुनको मूल्य वृद्धि भएको छ । उक्त दिन छापावाला सुनको भाउ तोलामा २०० रुपैयाँले बढेको हो ।
साताको तेस्रो कारोबार दिन अर्थात मंगलबार ९६ हजार ९०० रुपैयाँमा कारोबार भएको सुन आज भने बढेर ९७ हजार १०० रुपैयाँ कायम भएको छ ।
आजका लागि भने तेजावी सुनको मूल्य ९६ हजार ६०० रुपैयाँ तोकिएको नेपाल सुनचाँदी व्यवसायी महासंघले जनाएको छ ।
महासंघका अनुसार आज चाँदीको मूल्यमा भने गिरावट आएको छ । उक्त दिन चाँदी तोलामा १० रुपैयाँले घटेर १ हजार २३० रुपैयाँ कायम भएको छ । मंगलबार भने १ हजार २४० रुपैयाँमा कारोबार भएको थियो ।
वि.सं.२०७९ साउन २५ बुधवार १०:५२ मा प्रकाशित
