काठमाडौं । साहस उर्जा लिमिटेडले साढे ७१ करोड बढी नाफा कमाएको छ ।
कम्पनीले बिहीबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ७१ करोड ५३ लाख २६ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा २९.७८ प्रतिशतले बढी हो । अघिल्लो आवमा कम्पनीले ५५ करोड ११ लाख ६२ हजार रुपैयाँ नाफा कमाएको थियो ।
उक्त अवधिमा कम्पनीको कुल आम्दानी पनि २९.५५ प्रतिशतले वृद्धि भई ७१ करोड ८७ लाख ५८ हजार रुपैयाँ पुगेको छ ।
यस्तै, गत आवमा कम्पनीको संचालन नाफा पनि २९.७८ प्रतिशतले वृद्धि भई ७१ करोड ५३ लाख २६ हजार रुपैयाँ कायम भएको छ ।
कम्पनीको चुक्ता पुँजी ३ अर्ब ५० करोड रुपैयाँ रहेको छ । कम्पनीले जगेडा तथा कोषमा भने २ अर्ब २ करोड १ लाख ११ हजार रुपैयाँ राखेको छ ।
कम्पनीको प्रतिसेयर आम्दानी २० रुपैयाँ ४४ पैसा र प्रतिसेयर नेटवर्थ १५७ रुपैयाँ ८७ पैसा रहेको छ ।
वि.सं.२०७९ साउन २६ बिहीवार १३:४५ मा प्रकाशित