काठमाडौं । माइक्रोफाइनान्स कम्पनीहरुले धमाधम गत आर्थिक वर्ष २०७८/७९ को चौंथो त्रैमासिक वित्तीय विवरण प्रकाशित गरिरहेका छन् ।
बिहीबार पनि थप ५ वटा लघुवित्त कम्पनीहरुले गत आवको वित्तीय विवरण सार्वजनिक गरेका हुन् । जसमध्ये उन्नती सहकार्य लघुवित्त वित्तीय संस्था, साना किसान लघुवित्त, नेशनल माइक्रोफाइनान्स लघुवित्त, मिथिला लघुवित्त र विजय लघुवित्त रहेका छन् ।
अब हेरौं कुनको वित्तीय अवस्था कस्तो !
उन्नती सहकार्य लघुवित्त
उन्नती सहकार्य लघुवित्त वित्तीय संस्थाले गत आवमा कम्पनीले ३ करोड ८८ लाख ५८ हजार रुपैयाँ नाफा कमाएको छ ।
जुन अघिल्लो आवको सोही अवधिको तुलनामा भने ५४ प्रतिशतले कमी हो । अघिल्लो आवमा कम्पनीले ८ करोड ५७ लाख १४ हजार रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी पनि १४ प्रतिशतले घटेर २१ करोड १८ लाख ८७ हजार रुपैयाँ कायम भएको छ। उक्त अवधिमा कम्पनीको संचालन नाफामा पनि ६० प्रतिशतको गिरावट आई ५ करोड ३४ लाख ९५ हजार रुपैयाँ कायम भएको छ ।
कम्पनीको चुक्ता पुँजी ३३ करोड ९० लाख २० हजार रुपैयाँ रहेको छ । कम्पनीले जगेडा तथा कोषमा भने ९ करोड ९ लाख २५ हजार रुपैयाँ राखेको छ ।
कम्पनीको खराब कर्जा पनि वृद्धि भएको छ । अघिल्लो आवमा २.३२ प्रतिशत रहेको खराब कर्जा गत आवमा भने ३.३० प्रतिशत पुगेको छ ।
कम्पनीको प्रतिसेयर आम्दानी १६ रुपैयाँ ९७ पैसा र प्रतिसेयर नेटवर्थ १३९ रुपैयाँ ७० पैसा रहेको छ ।
साना किसान लघुवित्त
साना किसान लघुवित्त वित्तीय संस्थाले गत आवमा ७० करोड ८३ लाख २९ हजार रुपैयाँ नाफा कमाएको छ ।
जुन अघिल्लो आवको सोही अवधिको तुलनामा १७.४५ प्रतिशतले बढी हो । अघिल्लो आवमा कम्पनीले ६० करोड ३१ लाख ११ हजार रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी ११.०१ प्रतिशतले वृद्धि भई १ अर्ब ३४ करोड ७३ लाख १८ हजार रुपैयाँ पुगेको छ ।
उक्त अवधिमा कम्पनीको संचालन मुनाफा पनि १६.३९ प्रतिशतले वृद्धि भई १ अर्ब ९७ लाख १२ हजार रुपैयाँ कायम भएको छ । कम्पनीको वितरण योग्य नाफा ४३ करोड ८८ लाख १५ हजार रुपैयाँ रहेको छ।
कम्पनीको चुक्ता पुँजी १ अर्ब ५६ करोड ४४ लाख १३ हजार रुपैयाँ रहेको छ । कम्पनील्े जगेडा तथा कोषमा भने २ अर्ब ५९ करोड ८१ लाख २४ हजार रुपैयाँ राखेको छ ।
कम्पनीको निष्क्रिय कर्जा ०.६८ प्रतिशत रहेको छ । कम्पनीको प्रतिसेयर आम्दानीमा भने २ रुपैयाँ ९१ पैसाको गिरावट आई ४५ रुपैयाँ २८ पैसा कायम भएको छ । प्रतिसेयर नेटवर्थ २६६ रुपैयाँ ८ पैसा रहेको छ ।
नेशनल माइक्रोफाइनान्स लघुवित्त
नेशनल माइक्रोफाइनान्स लघुवित्तले ४० करोड १५ लाख रुपैयाँ नाफा कमाएको छ ।
जुन अघिल्लो आवको सोही अवधिको तुलनामा २७.१२ प्रतिशतले बढी हो । अघिल्लो आवमा कम्पनीको खुद नाफा ३१ करोड ५८ लाख ४१ हजार रुपैयाँ रहेको थियो ।
उक्त अवधिमा कम्पनीको खुद ब्याज आम्दानी पनि २७.६३ प्रतिशतले वृद्धि भई ८० रकोड ३ लाख ८० हजार रुपैयाँ पुगेको छ । गत आवमा कम्पनीको संचालन नाफा ६३ करोड ७३ लाख रुपैयाँ रहेको छ ।
कम्पनीको चुक्ता पुँजी ५८ करोड ६६ लाख ७५ हजार रुपैयाँ रहेको छ भने जगेडा तथा कोषमा ७४ करोड ९४ लाख ४९ हजार रुपैयाँ राखेको छ ।
गत आवमा कम्पनीको खराब कर्जा पनि झिनो घटाएर २.४९ प्रतिशत कायम भएको छ ।
कम्पनीको प्रतिसेयर आम्दानी १४ रुपैयाँ ६० पैसाले वृद्धि भई ६८ रुपैयाँ ४४ पैसा कायम भएको छ । प्रतिसेयर नेटवर्थ २२७ रुपैयाँ ७५ पैसा रहेको छ ।
मिथिला लघुवित्त
मिथिला लघुवित्त वित्तीय संस्थाले एक वर्षमा साढे ५ करोड बढी नाफा कमाएको छ ।
कम्पनीले सार्वजनिक गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ५ करोड ७६ लाख ५८ हजार रुपैयाँ नाफा कमाएको हो । कम्पनीको यो नाफा अघिल्लो आवको सोही अवधिको तुलनामा भने २.६७ प्रतिशतले मात्र बढी हो । अघिल्लो आवमा कम्पनीले ५ करोड ६१ लाख ५७ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी ११ करोड ९९ लाख ८२ हजार रुपैयाँ रहेको छ । कम्पनीको यो आम्दानी अघिल्लो आवको तुलनामा भने झिनो गिरावट हो ।
गत आवमा कम्पनीको संचालन नाफा ७ करोड ६९ लाख ६ हजार रुपैयाँ रहेको छ ।
कम्पनीको चुक्ता पुँजी १७ करोड ४ लाख ३७ हजार रुपैयाँ रहेको छ । कम्पनीले जगेडा तथा कोषमा भने ११ करोड ६३ लाख ६२ हजार रुपैयाँ राखेको छ ।
कम्पनीको खराब कर्जा पनि झिनो घटेर २.६१ प्रतिशतमा झरेको छ । कम्पनीको प्रतिसेयर आम्दानी पनि १२ रुपैयाँ ३० पैसाले घटेर ३३ रुपैयाँ ८३ पैसा कायम भएको छ । प्रतिसेयर नेटवर्थ १६८ रुपैयाँ २७ पैसा रहेको छ ।
विजयी लघुवित्त
विजयी लघुवित्त वित्तीय संस्थाले गत आवमा १० करोड ४७ लाख १९ हजार रुपैयाँ नाफा कमाएको छ ।जुन अघिल्लो आवको सोही अवधिको तुलनामा १६.२४ प्रतिशतले कमी हो ।
गत आवमा कम्पनीको खुद ब्याज आम्दानी पनि १०.३५ प्रतिशतले घटेर ३४ करोड १५ लाख ६३ हजार रुपैयाँ कायम भएको छ ।
उक्त अवधिमा कम्पनीको संचालन नाफा भने १५ करोड ८१ लाख ४४ हजार रुपैयाँ रहेको छ । अघिल्लो आवमा भने कम्पनीको यो नाफा १९ करोड ५ लाख ३९ हजार रुपैयाँ रहेको थियो ।
कम्पनीको चुक्ता पुँजी ३२ करोड रुपैयाँ रहेको छ । कम्पनीले जगेडा तथा कोषमा भने २२ करोड ८८ लाख ९२ हजार रुपैयाँ राखेको छ ।
अघिल्लो आवमा ४.६६ प्रतिशत रहेको कम्पनीको खराब कर्जा गत आवमा भने झिनो घटेर ४.०८ प्रतिशत कायम भएको छ ।
कम्पनीको प्रतिसेयर आम्दानी ३२ रुपैयाँ ७२ पैसा र प्रतिसेयर नेटवर्थ १७० रुपैयाँ १६ पैसा रहेको छ ।
वि.सं.२०७९ साउन २६ बिहीवार १४:३५ मा प्रकाशित
