काठमाडौं । बिहीबार पनि सेयर बजार दोहोरो अंकको गिरावट आएको छ । साताको पाँचौं कारोबार दिन बजार १९.०६ अंकले घटेको छ ।
उक्त दिन बजार नेप्से परिसुचक २०३७.८३ अंकको बिन्दुमा पुगेर बन्द भएको छ । आज कारोबार रकममा पनि गिरावट आएको छ । आज १ अर्ब ७६ करोड १० लाख २३ हजार रुपैयाँ बराबरको सेयर कारोबार भएको छ ।
आज म्युचुअल फण्ड झिनो अंकले वृद्धि भएको छ भने यी बाहेकका अन्य सबै समूहहरु राताम्मे बनेका छन् ।
उक्त दिन शिवम सिमेन्टको सर्वाधिक सेयर कारोबार भएको छ । आज कम्पनीको ७ करोड २७ लाख ९४ हजार रुपैयाँ बराबरको सेयर कारोबार भएको छ ।
कारोबार रकमको आधारमा दोस्रो स्थानमा रहेको हिमालय डिस्टीलरीको ६ करोड १२ लाख १५ हजार रुपैयाँ सेयर खरिदबिक्री भएको छ ।
यस्तै, आज नेष्डो समृद्धि लघुवित्तको ५ करोड ४६ लाख ९७ हजार रुपैयाँ बराबरको सेयर किनबेच भएको छ ।
वि.सं.२०७९ साउन २६ बिहीवार १५:१९ मा प्रकाशित