काठमाडौं । स्वावलम्बन लघुवित्त वित्तीय संस्थाले ७० करोड बढी नाफा कमाएको छ ।
कम्पनीले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ७० करोड ६ लाख रुपैयाँ नाफा कमाएको छ । जुन अघिल्लो आवको सोही अवधिको तुलनामा १३.०९ प्रतिशतले बढी हो । अघिल्लो आवमा कम्पनीले ६१ करोड ९४ लाख ८२ रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी पनि १४.८९ प्रतिशतले वृद्धि भई १ अर्ब ६६ करोड ७५ लाख ४५ हजार रुपैयाँ पुगेको छ ।
उक्त अवधिमा कम्पनीको संचालन नाफा ९६ करोड ४८ लाख २१ हजार रुपैयाँ कायम भएको छ ।
कम्पनीको चुक्ता पुँजी १ अर्ब १२ करोड २१ लाख ७० हजार रुपैयाँ रहेको छ । कम्पनीले जगेडा तथा कोषमा भने २ अर्ब २४५ करोड ४० लाख ७० हजार रुपैयाँ राखेको छ ।
यस्तै, अघिल्लो आवमा ४.३८ प्रतिशत रहेको कम्पनीको खराब कर्जा गत आवमा भने घटेर २.९० प्रतिशतमा झरेको छ ।
कम्पनीको प्रतिसेयर आम्दानी ६२ रुपैयाँ ४३ पैसा र प्रतिसेयर नेटवर्थ ३०० रुपैयाँ ८७ पैसा रहेको छ ।
वि.सं.२०७९ साउन २७ शुक्रवार १४:१९ मा प्रकाशित