काठमाडौं । ङादी ग्रुप पावर कम्पनीले साढे ७ करोड बढी नाफा कमाएको छ ।
कम्पनीले आइतबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ७ करोड ६१ लाख ४५ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने ३५.१९ प्रतिशतले कमी हो । अघिल्लो आवमा कम्पनीले ११ करोड ७४ लाख ८८ हजार रुपैयाँ नाफा कमाएको थियो । कम्पनीको व्यवस्थापकीय तथा वित्तीय खर्च वृद्धि भएकाले नाफामा गिरावट आएको हो ।
गत आवमा कम्पनीको विद्युत बिक्री आम्दानी भने ४४.४५ प्रतिशतले वृद्धि भई १२ करोड ७५ लाख ९६ हजार रुपैयाँ कायम भएको छ । अघिल्लो आवमा कम्पनीले विद्युत बिक्रीबाट ८ करोड ८३ लाख ३४ हजार रुपैयाँ आम्दानी गरेको थियो ।
उक्त अवधिमा कम्पनीको संचालन नाफा १७ करोड ९९ लाख ४२ हजार रुपैयाँ रहेको छ । अघिल्लो आवको चौंथो त्रैमासको तुलनामा भने कम्पनीको यो नाफा ८.७७ प्रतिशतले कमी हो ।
कम्पनीको चुक्ता पुँजी ७० करोड ६९ लाख ३२ हजार रुपैयाँ रहेको छ । कम्पनीको रिटेन्ड अर्निङ ८ करोड ३४ लाख ५१ हजार रुपैयाँ रहेको छ ।
गत आवमा कम्पनीको प्रतिसेयर आम्दानी ९ रुपैयाँ १७ पैसाले घटेर १० रुपैयाँ ७७ पैसा रहेको छ भने प्रतिसेयर नेटवर्थ ११ रुपैयाँ ८ पैसा रहेको छ ।
वि.सं.२०७९ साउन २९ आइतवार १०:४८ मा प्रकाशित