काठमाडौं। स्थानीयले सान्जेन जलविद्युत कम्पनीको कार्यालयमा तोडफोड गरेका छन्। आफुहरुलाई पनि अति प्रभावित अन्तर्गत नराखेको भन्दै उनीहरुले आयोजनाको कार्यालयमा तोडफोडका गरेका हुन्।
आयोजनाका एक अधिकारीका अनुसार ५० जनाको समुहले कार्यालयमा तोडफोड गरेका थिए। उनका अनुसार आयोजनाको गाडी, मोटरसाइकल लगायत समेत तोडफोड गरेका छन्। ठूलो समुह आएर तोडफोडमा उत्रिएपछि कर्मचारीहरुको भागभाग भएको थियो।
सान्जेन जलविद्युत कम्पनीले ५ भदौदेखि आयोजना प्रभावित स्थानीय बासिन्दाहरूलाई एक सय अंकित मूल्यमा ३६ लाख ५० हजार कित्ता सेयर निष्कासन गरेको थियो। ।
यसमा आयोजनाबाट अति प्रभावित क्षेत्र आमाछोदीङमो गाउँपालिका-५ चिलिमे र आयोजना निर्माण गर्ने प्रसारण लाइनबाट प्रभावित आमाटादिङमो गाउँपालिका-४ गोल्जुङका बासिन्दा, सामान्य प्रभावित आमाछोदिङमो गाउँपालिकाका अन्य वडा नम्बरहरू १, २, ३ तथा सामान्य प्रभावित बाँकी सम्पूर्ण जिल्लाका सबै बासिन्दाहरूले पनि आवेदन दिन सक्ने गरी खुलाइएको थियो।
स्थानीयले पाउने १० प्रतिशतमा अति प्रभावितलाई ४ प्रतिशत, प्रभावितलाई ३.५ प्रतिशत, सामान्य प्रभावितलाई १.१ न्युन प्रभावित र जिल्लाबासीलाई बाँकी सेयर खुलाइएको थियो।
प्रभावित क्षेत्रका बासिन्दाहरुले आफूहरुलाई पनि अतिप्रभावित अन्तर्गत राख्नुपर्ने भन्दै तोडफोड गरेका हुन्।
वि.सं.२०७९ साउन २९ आइतवार १७:२१ मा प्रकाशित
