काठमाडौं । धौलागिरी लघुवित्त वित्तीय संस्थाको आईपीओमा आवेदनको ओइरो लागेको छ ।कम्पनीको आईपीओमा १९ लाख ५२ हजार ४६० जनाले आवेदन दिएका छन् ।
साउन २४ गतेदेखि बिक्री खुला भएको कम्पनीको आईपीओमा अन्तिम दिनसम्म २ अर्ब १७ करोड २१ लाख ५७ हजार रुपैयाँ बराबरको २ करोड १७ लाख २१ हजार ५७० कित्ताका लागि आवेदन परेको हो । जुन आवेदन माग भन्दा ७०.४५ गुणा बढी हो ।
कम्पनीले गत मंगलबार अर्थात साउन २४ गतेदेखि प्रतिसेयर १०० रुपैयाँ अंकित मूल्यका दरले ३ करोड ३१ लाख रुपैयाँ बराबरको ३ लाख ३१ हजार कित्ता आईपीओ निष्काशन तथा बिक्री खुला गरेको हो ।
कम्पनीले कुल ३ लाख ३१ हजार कित्ता सेयरमध्ये ५ हजार १५५ कित्ता कर्मचारीहरुका लागि, १६ हजार ५५० कित्ता सामूहिक लगानी कोषहरुका लागि र बाँकी रहेको ३ लाख ८ हजार २९५ कित्ता सर्वसाधारणका लागि छुट्याएको छ ।
कम्पनीको आईपीओमा लगानीकर्ताले न्यूनतम १० कित्तादेखि १ हजार कित्तासम्मका लागि आवेदन दिन सक्ने व्यवस्था गरेको थियो ।
आईपीओ निष्काशन तथा बिक्री प्रवन्धकमा सनराइज क्यापिटल लिमिटेड रहेको छ ।
वि.सं.२०७९ साउन २९ आइतवार १७:३६ मा प्रकाशित