काठमाडौं । शिवम् सिमेन्टले करिब ६९ करोड नाफा कमाएको छ ।
कम्पनीले सोमबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ६८ करोड ९३ लाख ९७ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने ५१.२० प्रतिशतले कमी हो । अघिल्लो आवमा कम्पनीले १ अर्ब ४१ करोड २६ लाख ६६ हजार रुपैयाँ नाफा कमाएको थियो ।
गत आवमा कम्पनीको आम्दानी घटेसंगै खर्च बढेकाले नाफामा गिरावट आएको हो । गत आवमा कम्पनीको आम्दानी पनि ३.६९ प्रतिशतले घमटेर ९ अर्ब २६ करोड ३ लाख ८१ हजार रुपैयाँ कायम भएको छ ।
यस्तै, उक्त अवधिमा कम्पनीको कुल आम्दानी २.१७ प्रतिशतले घटेर ९ अर्ब ४५ करोड १० लाख ५१ हजार र खर्च ८.४४ प्रतिशतले बढेर ८ अर्ब ६३ करोड ६५ लाख ४४ हजार रुपैयाँ पुगेको छ ।
कम्पनीको चुक्ता पुँजी ४ अर्ब ४० करोड रुपैयाँ रहेको छ । कम्पनीले जगेडा तथा कोषमा भने ४ अर्ब ८३ करोड १९ लाख १९ हजार रुपैयाँ राखेको छ ।
कम्पनीको प्रतिसेयर आम्दानी पनि १६ रुपैयाँ ४४ पैसाले घटेर १५ रुपैयाँ ६७ पैसा रहेको छ भने प्रतिसेयर नेटवर्थ २०९ रुपैयाँ ८२ पैसा कायम भएको छ ।
वि.सं.२०७९ साउन ३० सोमवार ११:५० मा प्रकाशित
