काठमाडौं । हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी (एचआईडीसीएल) ले साढे ९७ करोड बढी नाफा कमाएको छ ।
कम्पनीले सोमबार प्रकाशित गरेको गत आर्थि वर्ष २०७८/७९ को चौंथो त्रैमासि वित्तीय विवरणले यस्तो देखाएको हो ।
गत आवमा कम्पनीले ९७ करोड ६२ लाख १७ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा २२.०८ प्रतिशतले बढी हो । अघिल्लो आवमा कम्पनीले ७९ करोड ९६ लाख ५४ हजार रुपैयाँ नाफा कमाएको थियो ।
गत आवमा कम्पनीको संचालन आम्दानी उल्लेख्य मात्रामा वृद्धि भएको छ । कम्पनीको यो आम्दानी २४९.३९ प्रतिशतले बढेर ३४ लाख ५२ हजार रुपैयाँ पुगेको छ ।
यस्तै, कम्पनीको वित्तीय आम्दानी १८.७७ प्रतिशतले बढेर १ अर्ब ५२ करोड ८८ लाख ४६ हजार, लाभांश आम्दानी ३१.३३ प्रतिशतले वृद्धि भई १ करोड ४१ लाख ४८ हजार, अन्य आम्दामनी २४१.१२ प्रतिशतले बढेको छ ।
कम्पनीको चुक्ता पुँजी २० अर्ब ७१ करोड ५० लाख ५२ हजार रुपैयाँ रहेको छ । कम्पनीको जगेडा तथा कोषमा भने १ अर्ब ६७ करोड ३८ लाख ३९ हजार रुपैयाँ रहेको छ ।
कम्पनीको प्रतिसेयर आम्दानी ४ रुपैयाँ ७१ पैसा र प्रतिसेयर नेटवर्थ १०८ रुपैयाँ ८ पैसा रहेको छ ।
वि.सं.२०७९ साउन ३० सोमवार १२:१५ मा प्रकाशित
