काठमाडौं । प्रभु लाइफ इन्स्योरेन्सको नाफामा ५७.४२ प्रतिशतको गिरावट आएको छ ।
कम्पनीले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
अघिल्लो आवमा १७ करोड ६ लाख ३१ हजार रुपैयाँ नाफा कमाएको कम्पनीले गत आवमा भने ७ करोड २६ लाख ३८ हाजर रुपैयाँमा सिमित भएको छ ।
गत आवमा कम्पनीको कुल बीमाशुल्क आर्जन रकम २ अर्ब ३९ करोड २९ लाख ७ हजार रुपैयाँ रहेको छ । कम्पनीको बीमशुल्क आर्जन अघिल्लो आवको सोही अवधिको तुलनामा भने ६४.३० प्रतिशतले बढी हो ।
गत आवमा कम्पनीले ४४ करोड ७९ लाख ८६ हजार रुपैयाँ कुल दावी भुक्तानी गरेको छ । उक्त अवधिमा भुक्तानी हुन बाँकी दावी रकम भने १ करोड ६२ लाख ८५ हजार रुपैयाँ देखिएको छ ।
कम्पनीको चुक्ता पुँजी २ अर्ब रुपैयाँ रहेको छ । कम्पनीले जगेडा तथा कोषमा भने ४२ करोड ९६ लाख १३ हजार रुपैयाँ राखेको छ ।
कम्पनीको प्रतिसेयर आम्दानी ३ रुपैयाँ ६३ पैसा र प्रतिसेयर नेटवर्थ १२३ रुपैयाँ १३ पैसा रहेको छ ।
वि.सं.२०७९ साउन ३० सोमवार १३:५७ मा प्रकाशित
