काठमाडौं । राधी विद्युत कम्पनीले ५ करोड बढी नाफा कमाएको छ ।
कम्पनीले मंगलबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
विवरण अनुसार गत आवमा कम्पनीले ५ करोड ९ लाख ४६ हजार रुपैयाँ नाफा कमाएको छ । कम्पनीको यो नाफा अघिल्लो आवको सोही अवधिको तुलनामा भने १७.०९ प्रतिशतले कमी हो । अघिल्लो आवमा कम्पनीले ६ करोड १४ लाख ५३ हजार रुपैयाँ नाफा गरेको थियो ।
गत आवमा कम्पीको विद्युत बिक्री आम्दानी भने सामान्य वृद्धि भएको छ । उक्त अवधिमा कम्पनीको यो आम्दानी ४.०३ प्रतिशतले बढेर १३ करोड ४९ लाख ६४ हजार रुपैयाँ कायम भएको छ ।
यस्तै, गत आवमा कम्पनीको संचालन आम्दानी ७ करोड ७० लाख ८५ हजार रुपैयाँ देखिएको छ । कम्पनीको चुक्ता पुँजी ६४ करोड ६४ लाख ४ हजार रुपैयाँ रहेको छ ।
कम्पनीको प्रतिसेयर आम्दानी ७ रुपैयाँ ८८ पैसा रहेको छ भने प्रतिसेयर नेटवर्थ १२० रुपैयाँ ६८ पैसा रहेको छ ।
कम्पनीले हकप्रद सेयर निष्काशन गर्ने तयारीमा छ । कम्पनीले १ः१.४७५२ अनुपातमा १०० रुपैयाँ अंकित दरको ९५ लाख ३५ हजार ७६० दशमलव ९९ कित्ता हकप्रद सेयर निष्काशन गर्न लागेको हो ।
वि.सं.२०७९ साउन ३१ मंगलवार १३:१६ मा प्रकाशित