काठमाडौं । जनउत्थान सामुदायिक लघुवित्त वित्तीय संस्थाले ५ करोड नाफा आर्जन गरेको छ ।
कम्पनीले मंगलबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ४ करोड ९५ लाख ७६ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा ६.८१ प्रतिशतले कमी हो । अघिल्लो आवमा कम्पनीले ५ करोड ३२ लाख ४ हजार रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी पनि ९.७३ प्रतिशतले वृद्धि भई १७ करोड १२ लाख ७७ हजार रुपैयाँ पुगेको छ । कम्पनीको संचालन नाफा ५ करोड २४ लाख ५६ हजार रुपैयाँ रहेको छ ।
कम्पनीकोे चुक्ता पुँजी १४ करोड ७९ लाख ६ हजार रुपैयाँ रहेको छ । कम्पनीले जगेडा तथा कोषमा भने ११ करोड ७४ लाख ९९ हजार रुपैयाँ राखेको छ ।
गत आवमा कम्पनीले खराब कर्जा भने झिनो घटाई ३.९१ प्रतिशतमा झारेको छ । अघिल्लो आवको सोही अवधिमा कम्पनीको खराब कर्जा ४.२८ प्रतिशत रहेको थियो ।
कम्पनीको प्रतिसेयर आम्दानी ३४ रुपैयाँ रहेको छ भने प्रतिसेयर नेटवर्थ १९९ रुपैयाँ ३० पैसा रहेको छ ।
वि.सं.२०७९ साउन ३१ मंगलवार १३:४० मा प्रकाशित
