काठमाडौं । अपर सोलु हाइड्रो इलेक्ट्रिक कम्पनीले ४ करोड बढी नाफा कमाएको छ ।
कम्पनीले बिहीबार प्रकाशित गरेको गत आर्थिक वर्ष २०७८/७९ त्रैमासिक वित्तीय विवरणले यस्तो देखाएको हो ।
विवरण अनुसार गत आवमा कम्पनीले ४ करोड ३७ लाख ४० हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने २ प्रतिशतले बढी हो । अघिल्लो आवमा कम्पनीले ४ करोड २८ लाख ८३ हजार रुपैयाँ नाफा कमाएको थियो ।
गत आवमा कम्पनीको विद्युत बिक्री आम्दानी पनि वृद्धि भएको छ । अघिल्लो आवको तुलनामा २९.२१ प्रतिशतले वृद्धि भई गत आवमा कम्पनीको विद्यूत बिक्री आम्दानी ३८ करोड ७ लाख ४० हजार रुपैयाँ कायम भएको छ । अघिल्लो आवमा कम्पनीको यो आम्दानी २९ करोड ४६ लाख ६१ हजार रुपैयाँ रहेको थियो ।
कम्पनीको चुक्ता पुँजी १ अर्ब ३५ करोड रुपैयाँ रहेको छ । कम्पनीले जगेडा तथा कोषमा भने १२ करोड ३३ लाख ६३ हजार रुपैयाँ राखेको छ ।
कम्पनीको प्रतिसेयर आम्दानी ३ रुपैयाँ २४ पैसा र प्रतिसेयर नेवटर्थ ११२ रुपैयाँ ४० पैसा रहेको छ ।
वि.सं.२०७९ भदौ २ बिहीवार ११:५१ मा प्रकाशित