काठमाडौं । युनाइटेड इदि मर्दी एण्ड आरवि हाइड्रोपावर कम्पनीले सवा ५ करोड नाफा कमाएको छ ।
कम्पनीले शुक्रबार सार्वजनिक गरेको गत आर्थिक वर्ष २०७८÷७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ५ करोड १६ लाख ४ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा ११.९८ प्रतिशतले बढी हो । अघिल्लो आवमा कम्पनीले ४ करोड ६० लाख ८२ हजार रुपैयाँ नाफा कमाएको थियो ।
उक्त अवधिमा कम्पनीको विद्युत बिक्रीबाट हुने आम्दानी वृद्धि भएकाले नाफ बढ्न पुगेको हो । गत आवमा कम्पनीको विद्युत बिक्री आम्दानी ३८.७५ प्रतिशतले वृद्धि भई १८ करोड ६६ लाख ३९ हजार रुपैयाँ पुगेको छ । अघिल्लो आवमा भने कम्पनीको यो आम्दानी १३ करोड ४५ लाख ८ हजार रुपैयाँ रहेको थियो ।
कम्पनीको चुक्ता पुँजी ४२ करोड रुपैयाँ रहेको छ । कम्पनीले जगेडा तथा कोषमा भने ५ २३ लाख ५९ हजार रुपैयाँ राखेको छ ।
कम्पनीको प्रतिसेयर आम्दानी १२ रुपैयाँ २९ पैसा र प्रतिसेयर नेटवर्थ ११२ रुपैयाँ ४७ पैसा रहेको छ ।
वि.सं.२०७९ भदौ ३ शुक्रवार १२:३५ मा प्रकाशित
