काठमाडौं । कुमारी बैंकले भदौ १ गतदेखि नै लागु हुने गरि आफ्नो सम्पूर्ण खाताहरुमा सि–आस्वा आवेदन शुल्क नलाग्ने व्यवस्था गरेको छ ।
बैंकले कुनै पनि खाताबाट प्राथमिक सेयर, हकप्रद लगायतका पुंजीबजारका अन्य उपकरणहरुमा आवदेन दिदा कुनै शुल्क नलाग्ने व्यवस्था गरेहेको हो ।
ग्राहकहरुको हित तथा पुंजीबजारमा जनमानसको बढ्दो सक्रियतालाई मध्यनजर गर्दै बैंकले छुट ल्याएको हो । जसका कारण नयाँ लगानीकर्ता, युवा, विद्यार्थी लगायत बेंकका सम्पूर्ण खाताधारकहरुलाई विशेष लाभ प्राप्त हुने बैंकको विश्वास छ ।
आफ्ना देशव्यापी १९७ शाखा–संजाल, १९१ एटिएम, ४९ शाखारहित बैंकिंग इकाई तथा २४ एक्टेन्सन काउन्टर मार्फत अत्याधुनिक वित्तिय सेवा सुविधा दिँदै आएको कुमारी बैंकले आगामी दिनमा पनि अझ प्रभावकारी तथा ग्राहकमुखी सेवा विस्तार गर्दै जाने प्रतिबद्धता जनाएको छ ।
वि.सं.२०७९ भदौ ३ शुक्रवार १३:२२ मा प्रकाशित
