काठमाडौं । युनाइटेड सिमेन्ट्स प्रा. लि. ले संस्थागत सामाजिक उतरदायित्व अन्तर्गत धुनिबेसी ९ को वडा कार्यालयलाई १५ थान सिलाई मेसिन, १० थान कम्प्युटर तथा यसको उपयोग गर्न आवश्यक पर्ने टेबल तथा कुर्सि हस्तान्तरण गरेको छ ।
भाद्र २२ गते बुधबारका नगरपालिका कार्यालयमा एक समारोहकाबीच हस्तान्तरण गरिएको हो । सो कार्यक्रममा धुनिबेसी नगरपालिका उपप्रमुख सुरज उप्रेती, वडा नंं. ९ का अधक्ष माधव प्रसाद सिलवाल, पूर्व वडा अधक्ष साइंला राईका साथै विभिन्न संघ संस्था उपस्तिथी थियो ।
कुनै पनि स्थानमा उद्योग स्थापना गरेपछि, त्यहाँको समाजसँग हातेमालो गर्दै
अगाडी बढ्नुपर्ने हरेक संस्थाको प्रमुख दायित्व हुने भएकाले उद्योगलाई पनि समाजको साथ, सहयोगको आवश्यकता पर्ने र उद्योगले पनि सामाजिक स्तर उन्नति, दिगो विकासका लागि
सामाजिक क्षेत्रमा संस्थागत सामाजिक उतरदायित्व बहन गर्नु पर्ने भएकाले सामाजिक उत्तरदायित्वको लागी उद्योगस्थलमै गरेको कम्पनीद्वारा जारी विज्ञप्तिमा उल्लेख छ ।
कार्यक्रममा युनाइटेड सिमेन्ट्सका प्रमुख कार्यकारी अधिकृत भरत दाहालले
बिगतका दिनहरुमा पनि शिक्षा तथा स्वास्थ्य जस्ता आधारभूत तथा अपरीहार्य
क्षेत्रमा समाजलाई हरेक तरहले सहयोग गर्दै आएको कुरा ब्यक्त गरे ।
यस अघि वडा कार्यालयको रहोबरमा परिचालन हुने गरी केहि बर्ष पहिले
एम्बुलेन्स पनि हस्तान्तरण गरेको तथा स्वास्थ्य चौकी स्थापनाका निम्ति युनाइटेड
सिमेन्ट्सले जग्गा उपलब्ध गराएको कुरा प्रमुख कार्यकारी अधिकृत दाहालले जानकारी गराए ।
उद्योगले विभिन्न सामुदायिक बिद्यालयहरुमा शैशिक सामाग्री पनि हस्तान्तरण गरेको कुरा
जानकारी गराउँदै त्यस क्षेत्रमा आर्थिक तथा सामाजिक विकासका निम्ति युनाइटेड
सिमेंट्सको उल्लेखनिय भूमिका रहेको बताए ।
कार्यक्रममा वडा अधक्ष माधव सिलवालले युनाइटेड सिमेंट्सको प्रशंसा गरे ।
ललितपुरको लेलेमा रहेको आफ्नै चुनढुंगा खानी तथा धादिङमा रहेको उद्योगबाट
युनाइटेड सिमेन्ट्सले बिगत ७ वर्ष देखि सिमेन्ट उत्पादन गर्दै आएको छ
। युनाइटेड सिमेन्ट्सले बहन गर्नुपर्ने संस्थागत सामाजिक उतरदायित्व यथासक्दो
बहन गर्ने गरेको र आउने दिनहरुमा पनि समाजको तथा स्थानियवासीको हितमा हुने
बिभिन्न क्रियाकलाप गर्दै जाने प्रतिबद्धता कम्पनीले गरेको छ ।
वि.सं.२०७९ भदौ २३ बिहीवार १३:४० मा प्रकाशित