काठमाडौं । नेपाल राष्ट्र बैंकले मर्जरमा गएका बैंक तथा वित्तीय संस्थाहरुको सेयर कारोबार रोक्का राख्ने व्यवस्था हटाएको छ ।
केन्द्रीय बैंकले बिहीबार मर्जर तथा एक्विजिसन सम्बन्धी विनियमावली २०७३ संशोधन गरी उक्त व्यवस्था हटाएको छ । राष्ट्र बैंकले उक्त व्यवस्था हटाएसँगै अब मर्जरमा गएका कम्पनीहरुको कारोबार रोक्ने निर्णय नेपाल धितोपत्र बोर्डमा निहित रहनेछ ।
यता, धितोपत्र बोर्डले मर्जरमा गएका कम्पनीको अधिकतम १५ दिनमात्र कारोबार रोक्का हुने गरी निर्देशिका बनाएको भएपनि कार्यान्वयनमा आउन बाँकी रहेको छ ।
धितोपत्र बोर्डले संगठित संस्था एक आपसमा गाम्भे–गाभिने तथा प्राप्तिसम्बन्धी निर्देशिका, २०७९ (प्रारम्भिक मस्यौदा) तयार पारी उक्त व्यवस्था गरेको हो ।
यस्तो छ संशोधित व्यवस्थाहरु :
वि.सं.२०७९ असोज २८ शुक्रवार ०६:३६ मा प्रकाशित