back
mega bank Ad
Hero Ad

फोक्सिङटारको आर्क ब्रिजको ढलान सकियो, एक महिनाभित्रै सञ्चालनमा आउने

उदयपुर । उदयपुर–खोटाङ जोड्ने सुनकोशी नदीको फोक्सिङटारमा निर्माणाधिन आर्क ब्रिजको ढलान सम्पन्न भएको छ । आर्क ब्रिज ढलानपछि उदयपुरखोटाङ पक्की पुलले जोडिएको छ ।

ढलानसँगै लामो समय अलपत्र अवस्थामा रहेको फोक्सिङटारको पक्की पुल अबको एक महिनाभित्रमा सञ्चालनमा आउने भएको हो । १० वर्षदेखि अलपत्र अवस्थामा रहेको फोक्सिनटारको पक्की पुल यातायात सञ्चालनको अन्तिम चरणमा पुगेको छ । निर्माण कम्पनीले पछिल्लो समय द्रुत गतिमा काम गरेपछि उदयपुर-खोटाङ जोडिएको हो ।

सगरमाथा लोकमार्ग अन्तर्गत गाईघाट–दिक्तेल सडकमा पर्ने सुनकोशी नदीको यो पुल निर्माणको म्याद चौथो पटक थपिएपछि निर्माण सम्पन्न हुन लागेको हो । गाईघाट–दिक्तेल सडकको उदयपुरतर्फ रौतामाई गाउँपालिका– ५ र खोटाङतर्फ खोटेहाङ गाउँपालिका– ९ बीचको फोक्सिङटारमा निर्माणाधीन पुल २२ चैत २०७५ मा सम्पन्न गर्ने गरी ३० चैत ०६९ मा १८ करोड २ लाखमा ठेक्का सम्झौता भएको थियो ।

निर्माण कम्पनीले सम्झौताअनुरुप चार वर्षअघि नै निर्माण सम्पन्न गर्नु पर्नेमा पुलको डिजाइन निर्माणमा ढिलाई गरेकाले तोकिएको समयमा निर्माण सम्पन्न नभएको निर्माण कम्पनी गौरी पार्वती वाईपी जेबीका प्रोपाईटर राजकुमार थापाले जानकारी दिए । उनले भने, पुलको मुख्य स्ल्याब ढलान शुक्रबार सकेका छौं ।

अबको एक महिनाभित्र पुलको रेलिङ लगाउने काम र पुल वारीपारीको एप्रोज रोड बनाउने र कालोपत्रे गर्ने योजना छ । नदीको दुवैतर्फ साढे ६ मिटर गहिरो फाउन्डेसनसहित २० मिटर अग्लो पिलर र एक सय २० मिटर लामो पुल निर्माणको जिम्मा गौरी पार्वती वाईपी जेबीले लिएको थियो ।

पुल योजना पूर्वी क्षेत्र सेक्टर नम्बर १ धरानले सो पुल निर्माणको प्राविधिक रेखदेख गर्ने जिम्मा पाएको थियो । नयाँ प्रविधिको आर्क ब्रिजको ईन्जिनियर अजयकुमार साहको रेखदेखमा ढलान गरेको र कात्तिक मसान्तसम्ममा पुलबाट गाडी चलाउने योजना रहेको छ ।

वि.सं.२०७९ असोज ३० आइतवार १६:१३ मा प्रकाशित

You can share this post!

आज थप दुई कम्पनीको लाभांश घोषणा, कुनको बोनस र नगद कति ?

आज थप दुई कम्पनीको लाभांश घोषणा, कुनको बोनस र नगद कति ?

वि.सं.२०७९ मंसिर १६ शुक्रवार १९:१७

काठमाडौं । आज थप दुई कम्पनीहरुले लाभांश घोषणा गरेका छन्...

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

आइएमईको २२ औँ साधारण सभा सम्पन्न : कम्पनीलाई आइपीओमा लैजाने प्रस्ताव पारित

वि.सं.२०७९ मंसिर १६ शुक्रवार १९:०७

काठमाडौं । कम्पनीलाई आइपीओमा लैजाने प्रस्ताव पारित गर्दै आइएमईको २२औँ...

शैक्षिक अवस्था बुझ्न नगरपालिकाको टाेली कक्षा कोठामा

शैक्षिक अवस्था बुझ्न नगरपालिकाको टाेली कक्षा कोठामा

वि.सं.२०७९ मंसिर १६ शुक्रवार १७:२१

हेमन्त केसी सुर्खेत  । मंगलबार जाजरकोट नलगाड नगरपालिकाका नगरप्रमुख डम्मर...

पैसा नभएको चेक दिने पक्राउ, ३० लाख रुपैंया  जरिवाना र १० दिन कैद हुने

पैसा नभएको चेक दिने पक्राउ, ३० लाख रुपैंया जरिवाना र १० दिन कैद हुने

वि.सं.२०७९ मंसिर १६ शुक्रवार १७:१४

काठमाडौं । बैंकिङ कसुर मुद्दाका फरार प्रतिवादी  पक्राउ परेका छन् ।...

जुम्ला विमानस्थलमा बेहोस भेटिएका युवकको मृत्यु

जुम्ला विमानस्थलमा बेहोस भेटिएका युवकको मृत्यु

वि.सं.२०७९ मंसिर १६ शुक्रवार १५:५२

जुम्ला । जुम्ला विमानस्थलमा बेहोस अवस्थामा भेटिएका कैलाली घर भएका...

गरिमा  बैंकको गरिमा डिजिटल बटुवामा अब नेपालपे क्यूआर उपलब्ध

गरिमा बैंकको गरिमा डिजिटल बटुवामा अब नेपालपे क्यूआर उपलब्ध

वि.सं.२०७९ मंसिर १६ शुक्रवार १५:४१

काठमाडौं । गरिमा विकास बैंक लिमिटेडको मोबाईल बैकिङ्ग बाट अब...