काठमाडौं । बीवाईडीको नेपालका लागि आधिकारिक वितरक साइमेक्स इंकले नक्साल, नारायणचौरमा नयाँ शोरुम सञ्चालनमा ल्याएको छ । बीवाईडी इलेक्ट्रिक कारको ब्रान्ड एम्बेसडर कलाकार हरिबंश आचार्य, साइमेक्स इंककी प्रबन्ध निर्देशक यमुना श्रेष्ठ लगायतले शोरुम उद्घाटन गरे ।
सो अवसरमा गत शनिबार नेपालमा सार्वजनिक भएको बीवाईडीको इलेक्ट्रिक कार एट्टो३ समेत सार्वजनिक गरेको छ ।
नेपालमा शनिबार मात्र सार्वजनिक भएको यस कारको मूल्य ८९ लाख ९० हजार रुपैयाँ तोकिएको कम्पनीले जनाएको छ । अहिले गाडी बुक गर्ने ग्राहकले चार्जर र भीटुएल केवल निःशुल्क पाउने छन्।
सो इलेक्ट्रिक कारमा ६०.४ किलोवाट क्षमताको ठूलो ब्लेड व्याट्री जडान गरिएको छ । यसले २०० एचपी पावर र ३१० एनएम टर्क जेनेरेट गर्ने क्षमता राख्छ । ८० किलोवाटको फास्ट चार्जरले करिव ४५ मिनेटमै फुल चार्ज गर्न सकिने यस कारले ४२० किलोमिटर सम्मको रेन्ज दिने दाबी गरिएको छ ।
वि.सं.२०७९ असोज ३१ सोमवार १४:४५ मा प्रकाशित