काठमाडौं । महालक्ष्मी विकास बैंकले ऋणपत्र निष्कासनको अनुमति माग्दै धितोपत्र बोर्डमा निवेदन दिएको छ । बैंकले असोज २७ गते ऋणपत्र निष्कासन गर्नका लागि बोर्डमा निवेदन दिएको हो ।
बैंकले १ अर्ब बराबरको १० लाख कित्ता ऋणपत्र निष्कासन गर्ने भएको छ । कम्पनीले आगमी १० वर्ष सम्मका लागि वार्षिक ११ प्रतिशत ब्याजदरमा ऋणपत्र निष्कासन गर्नका लागि बोर्डमा आवेदन दिएको हो ।
कुल १० लाख कित्तामध्ये ४ लाख कित्ता सर्वसाधारणको लागि र ६ लाख कित्ता ब्यक्तिगत तवरबाट विक्री गर्नेछ । यसमा विक्री प्रबन्धकको काम एनआईसी एशिया क्यापिटलले गर्नेछ ।
वि.सं.२०७९ असोज ३१ सोमवार १६:४७ मा प्रकाशित
