काठमाडौं । मल्टीपर्पस फाइनान्स लिमिटेडले चालु आर्थिक वर्षको पहिलो त्रैमाससम्मको वित्तीय विवरण सार्वजनिक गरेको छ ।
पहिलो त्रैमाससम्म आइपुग्दा मल्टिपर्पस फाइनान्सले ४ लाख १८ हजार रुपैयाँ खुद नाफा कमाएको छ । अघिल्लो वर्षको यसैअवधिमा फाइनान्स १ लाख ५२ हजार रुपैयाँ नोक्सानमा थियो ।
यसअवधिमा कम्पनीको सञ्चालन नाफा बढेको र खराब कर्जा घटेकाले नाफा बढेको हो । योसँगै इम्पेरिमेन्ट चार्ज पनि रिभर्स भएको छ ।
सञ्चालन नाफा ३.५८ प्रतिशत ले बढेर ८८ लाख ४ हजार रुपैयाँ पुगेको छ । यसअवधिमा खुद ब्याज आम्दानी भने ३.५८ प्रतिशत ले घटेर ४९ लाख ६ हजार रुपैयाँमा सीमित भएको छ ।
असोज समान्तसम्मको अवधिमा कम्पनीको चुक्तापूँजी १३ प्रतिशतले बढेर ४५ करोड २० लाख रुपैयाँ, जगेडा कोष १७८.५८ प्रतिशतले बढेर ३ करोड ५८ लाख ५१ हजार रुपैयाँ, निक्षेप संकलन २३७.८० प्रतिशतले बढेर १ अर्ब ३ करोड २६ लाख ४४ हजार रुपैयाँ रहेको छ । यसअवधिमा कम्पनीको प्रतिसेयर आम्दानी ३७ पैसा र प्रतिसेयर नेटवर्थ १०९ पैसा ३२ पैसा छ ।
वि.सं.२०७९ कात्तिक १६ बुधवार १२:३५ मा प्रकाशित