काठमाडौं । कुमारी बैंक लिमिटेडले नगद लाभांश वितरण गरेको छ ।
बैंकको कात्तिक २१ गते, सोमबार सम्पन्न भएको बाईसौँ वार्षिक साधारण सभाबाट पारित भएको गत आर्थिक वर्षको नाफाबाट प्रस्ताव गरिएको करसहित १२.५० प्रतिशत नगद लाभांश सेयरधनीहरूको बैंक खातामा पठाइएको हो ।
हितग्राही खातामा बैंक खाता अद्यावधिक गराएका सेयरधनीहरुको सम्बन्धित बैंक खातामा लाभांश जम्मा गरिएको बैंकले जनाएको छ ।
त्यसैगरी, बैंकले हालसम्म पनि आफ्नो सेयर प्रमाणपत्रहरु अभौतिकीकरण नगराउने शेयरधनीहरुलाई यथाशीघ्र आफ्नो सेयर प्रमाणपत्र अभौतिकीकरण गराई हितग्राही खातामा आफ्नो बैंक खाता अद्यावधिक गराएर नगद लाभांश लिन अनुरोध गरेको छ ।
वि.सं.२०७९ कात्तिक २२ मंगलवार १३:३० मा प्रकाशित