काठमाडौं । जीवन विकास लघुवित्त वित्तीय संस्थाले १४ करोड ७६ लाख ४२ हजार रुपैयाँ खुद नाफा कमाएको छ । यो गत वर्षको यसैअवधिको भन्दा १६.४० प्रतिशतले कम हो ।
गत वर्ष यही अवधिमा कम्पनीले १७ करोड ६६ लाख ९ हजार रुपैयाँ खुद नाफा आर्जन गरेको थियो । यो लघुवित्तले १० अर्ब ६ करोड ४२ लाख रुपैयाँ सापटी लिएर छ ।
यसले २४ अर्ब २६ करोड ३७ लाख रुपैयाँ कर्जा विस्तार गरेको छ । यस अवधिसम्म संस्थाले ९ अर्ब ७६ करोड ९ लाख रुपैयाँ निक्षेप संकलन गरेको छ ।
असोज ससान्तसम्म सञ्चालन नाफा २०.९४ प्रतिशतले घटेर १२ करोड ५१ लाख ६९ हजार रुपैयाँ कायम भएको छ । गत वर्ष उक्त नाफा १५ करोड ८३ लाख रुपैयाँ रहेको थियो ।
त्यस्तै, खुद ब्याज आम्दानी भने ५.९४ प्रतिशतले बढेर ४० करोड ६२ लाख रुपैयाँमा पुगेको छ । खुद ब्याज आम्दानी बढे पनि सञ्चालन नाफा घट्नाले यसको खुद नाफा प्रभावित भएको हो । यसले ८ करोड ८० लाख रुपैयाँ राइट ब्याक गरेको छ ।
जुन गत वर्षको तुलनामा १८.५१ प्रतिशत कम हो । त्यस्तै, १४ करोड ६४ लाख रुपैयाँ प्रोभिजनमा छुट्याएको छ । जसले गर्दा पनि नाफामा असर परेको हो ।
जीवन विकासको चुक्ता पुँजी १ अर्ब ३ करोड ४२ लाख ८० हजार रुपैयाँ छ । जगेडा कोषमा १ अर्ब ६८ करोड ६८ लाख रुपैयाँ जम्मा भएको छ ।
असोज मसान्तसम्म आइपुग्दा प्रतिसेयर आम्दानी ५९ रुपैयाँ १ पैसाले घटेर ५७ रुपैयाँ १० पैसामा झरेको छ । संस्थाको प्रतिसेयर नेटवर्थ २८३ रुपैयाँ ९२ पैसा छ ।
वि.सं.२०७९ कात्तिक २५ शुक्रवार ११:५९ मा प्रकाशित