काठमाडौं । नेसनल हाइड्रोपावर कम्पनीले चालु आर्थिक वर्षको पहिलो त्रैमाससम्मको वित्तीय विवरण सार्वजनिक गरेको छ । उक्त विवरणअनुसार कम्पनीले ६८ लाख १८ हजार रुपैयाँ नाफा आर्जन गरेको छ ।
गत आर्थिक वर्षको यसैअवधिमा कम्पनीको नाफा ५८ करोड ७४ लाख ४३ हजार रुपैयाँ रहेको थियो । गत वर्षको तुलनामा उक्त नाफा ९८.४८ प्रतिशतले कम हो ।
समिक्षा अवधिसम्म आइपुग्दा कम्पनीले विद्युत् बिक्रीबाट हुने आम्दानी ३६८.६८ प्रतिशतले बढाएर ६ करोड ३६ लाख २८ हजार रुपैयाँ कमाएको छ ।
अघिल्लो वर्ष कम्पनीले विद्युत् बिक्रीबाट १ करोड ३५ लाख रुपैयाँ आम्दानी गरेको थियो । कम्पनीको चुक्ता पुँजी १ अर्ब ६४ करोड ५० लाख १६ हजार रुपैयाँ रहको छ ।
जगेडा कोषमा २ करोड ३८ लाख रुपैयाँ जम्मा रहेको छ । यसको प्रतिसेयर आम्दानी १ रुपैयाँ ९६ पैसा छ । त्यस्तै, प्रतिसेयर नेटवर्थ १०१ रुपैयाँ ३६ पैसा रहेको छ ।
वि.सं.२०७९ कात्तिक २७ आइतवार ०९:११ मा प्रकाशित
