काठमाडौं । युनियन हाइड्रोपावर लिमिटेड कम्पनीले १ करोड ४४ लाख २६ हजार रुपैयाँ नाफा आर्जन गरेको छ ।
गत आर्थिक वर्षको यसैअवधिमा कम्पनीको नाफा १ करोड ३३ लाख ८७ हजार रुपैयाँ रहेको थियो । गत वर्षको तुलनामा उक्त नाफा ७.७६ प्रतिशतले धेरै हो ।
असोज मसान्तसम्ममा कम्पनीको विद्युत् बिक्रीबाट हुने आम्दानी ५.२२ प्रतिशतले बढेर २ करोड ८५ लाख ५ हजार रुपैयाँ पुगेको छ ।
गत आर्थिक वर्षको सोही अवधिमा यसले विद्युत् बिक्रीबाट २ करोड ७० लाख रुपैयाँ आम्दानी गरेको थियो ।
कम्पनीको चुक्ता पुँजी ७५ करोड रुपैयाँ रहेको छ । जगेडा कोष ३३ करोड ३४ लाख रुपैयाँ ऋणात्मक रहेको छ ।
कम्पनीको प्रतिसेयर आम्दानी ७ रुपैयाँ ६९ पैसा र प्रतिसेयर नेटवर्थ ९५ रुपैयाँ ५५ पैसा रहेको छ ।
वि.सं.२०७९ कात्तिक २८ सोमवार १२:२५ मा प्रकाशित