काठमाडौं । एनएमबि लघुवित्तले चालु आर्थिक वर्षको पहिलो त्रैमाससम्म आइपुग्दा ८० लाख १० हजार रुपैयाँ नोक्सानी व्यहोरेको छ । गत वर्षको यसै अवधिमा भने ३ करोड २४ लाख रुपैयाँ खुद नाफा कमाएको थियो ।
कम्पनीको खुद ब्याज आम्दानी २२.५० प्रतिशतले घटेर ८ करोड ६४ लाख १६ हजार रुपैयाँमा आएको छ । यता, प्रोभिजनको रकमका साथै कर्मचारी खर्च र अन्य सञ्चालन खर्चमा पनि वृद्धि भएपछि ८१ लाख ७७ हजार रुपैयाँ सञ्चालन घाटा व्यहोरेको छ ।
यता, कम्पनीको रिजर्भ कोेष पनि ८.८८ प्रतिशतले घटेर ३६ करोड २२ लाख रुपैयाँमा आएको छ ।
समिक्षा अवधिमा लघुवित्तको चुक्तापूँजी ६५ करोड ५८ लाख ६३ हजार रुपैयाँ, जगेडा कोष ८.८८ प्रतिशतले घटेर ३६ करोड २२ लाख ७३ हजार रुपैयाँ रहेको छ ।
लघुवित्तको प्रतिसेयर ४ रुपैयाँ ८९ पैसा नोक्सानमा रहेको छ । यसको प्रतिसेयर नेटवर्थ १५५ रुपैयाँ २४ पैसा छ ।
वि.सं.२०७९ कात्तिक २८ सोमवार १२:३३ मा प्रकाशित