काठमाडौं । खानी खोला हाइड्रोपावर कम्पनी लिमिटेडले पहिलो त्रैमाससम्ममा २ करोड ५३ लाख ६ हजार रुपैयाँ आम्दानी गरेको छ जुन गत आर्थिक बर्षको तुलनामा २६०.५० प्रतिशत बढि हो । गत आर्थिक वर्षको यसै अवधिमा कम्पनी ७० लाख १९ हजार रुपैयाँ नाफामा थियो ।
समिक्षा अवधिमा कम्पनीले ६ करोड ६७ लाख १५ हजार रुपैयाँ विद्युत बेचेर कमाएको छ जुन गत आर्थिक बर्षको सोहि अवधिको तुलनामा ४५.८८ प्रतिशतले बढि हो ।
गत बर्षको सोहि अवधिमा कम्पनीले ४ करोड ५७ लाख ३२ हजार रुपैयाँ आम्दानी गरेको थियो ।
त्यसैगरी, कम्पनीको चुक्ता पूँजी ४६ करोड ५७ लाख १४ हजार रुपैयाँ रहेको छ । कम्पनीको रिजर्भको आकार २ करोड ६० लाख ५४ हजार रुपैयाँ ऋणात्मक रहेको छ ।
पहिलो त्रैमासम्ममा कम्पनीको प्रतिसेयर आम्दानी ५ रुपैयाँ ४३ पैसा रहेको छ । कम्पनीको प्रतिसेयर नेटवर्थ ९४ रुपैयाँ ४१ पैसा पुगेको छ ।
वि.सं.२०७९ कात्तिक २८ सोमवार १३:४९ मा प्रकाशित