काठमाडौं । साताको दोस्रो कारोबार दिन सेयर बजारमा बढोत्तरी आएको छ । सोमबार सेयर बजार २१.२६ अंकले बढेको हो ।
आज नेप्से परिसुचक १९०४.४३ अंकको बिन्दुमा पुगेर बन्द भएको छ । आज सेयर बजार बढ्दा पनि अघिल्लो कारोबार दिनको तुलनामा कारोबार रकम पनि बढेको छ । । उक्त दिन ९४ करोड ६० लाख ८९ हजार बराबरको कारोबार भएको छ ।
उक्त दिन तारा गाउँ रिजेन्सी होटलका लगानीकर्ताले सर्वाधिक कमाएका छन् । होटलको सेयर मूल्य प्रतिकित्ता ९.८४ प्रतिशतले बढेको छ ।
त्यस्तै, सप्तकोशी डेभलपमेन्ट बैंकको ८.३९ प्रतिशत, बुद्धभुमी नेपाल हाइड्रोपवारको ७.२९ प्रतिशत, रिभर फल्स पावरको ७.२५ प्रतिशतले सेयर मूल्य वृद्धि भएको छ ।
वि.सं.२०७९ कात्तिक २८ सोमवार १५:०६ मा प्रकाशित