काठमाडौं । सिद्धार्थ इन्स्योरेन्सले चालु आर्थिक वर्षको पहिलो त्रैमाससम्मको वित्तिय विवरण सार्वजनिक गरेको छ । सार्वजनिक विवरण अनुसार इन्स्योरेन्सले ५ करोड १२ लाख ७५ हजार रुपैयाँ खुद नाफा कमाएको छ । खुद नाफा गत वर्षको तुलनामा ५.६५ प्रतिशतले थोरै हो ।
गत वर्षको सोही अवधिमा यसको नाफा ५ करोड ४३ लाख रुपैयाँ रहेको थियो । यस इन्स्योरेन्सको खुद बिमा शुल्क आर्जन ३०.१५ प्रतिशतले बढेर असोज मसान्तसम्म ३९ करोड ८२ लाख ४३ हजार रुपैयाँ पुगेको छ ।
हाल सिद्धार्थको चुक्ता पुँजी १ अर्ब २८ करोड ८० लाख रुपैयाँ पुगेको छ । यसको रिजर्भ कोष ३३.९६ प्रतिशतले घटेर २४ करोड २७ लाख रुपैयाँमा झरेको छ । बिमा कोषको आकार १८.२३ पतिशतले बढेर १ अर्ब २० करोड रुपैयाँ पुगेको छ ।
सिद्धार्थको प्रतिसेयर आम्दानी १५ रुपैयाँ ९२ पैसा र प्रतिसेयर नेटवर्थ २२० रुपैयाँ ५५ पैसा रहेको छ ।
वि.सं.२०७९ मंसिर १ बिहीवार ०९:३६ मा प्रकाशित
