काठमाडौं । सानिमा लाइफ इन्स्योरेन्सले चालु आर्थिक वर्षको पहिलो त्रैमाससम्मको वित्तिय विवरण सार्वजनिक गरेको छ ।
चालु आर्थिक वर्षको पहिलो त्रैमाससम्म आइपुग्दा इन्स्योरेन्सको खुद नाफा १५.४६ प्रतिशतले बढेर ५ करोड ६ लाख ८४ हजार रुपैयाँ पुगेको छ ।
अघिल्लो वर्षको यसैअधिमा यसले ४ करोड ३८ लाख ९६ हजार रुपैयाँ खुद नाफा कमाएको थियो । यसअवधिमा जीवन बिमा कोषको आकार ५२.२६ प्रतिशतले बढेर ३ अर्ब ७४ करोड ७० लाख १३ हजार रुपैयाँ पुगेको छ ।
यता, खुद बिमा शुल्क आर्जन ०.३० प्रतिशतले घटेर ५४ करोड ९१ लाख ७० हजार रुपैयाँमा सीमित भएको छ ।
अघिल्लो वर्ष इन्स्योरेन्सले ५५ करोड ८ लाख ४९ हजार रुपैयाँ खुद बिमा शुल्क आर्जन गरेको थियो । कम्पनीको प्रतिसेयर आम्दानी १० रुपैयाँ १३ पैसा र प्रतिसेयर नेटवर्थ ११६ रुपैयाँ ९३ पैसा छ ।
वि.सं.२०७९ मंसिर १ बिहीवार १४:१३ मा प्रकाशित
