काठमाडौं । नेपाल क्रिकेट संघ (क्यान) ले रोहित पौडेलको कप्तानी नामिबियामा हुने आईसिसी पुरुष विश्वकप लिग टुअन्तर्गत त्रिदेशीय शृंखलाका लागि टोली घोषणा गरेको हो ।
टोलीमा नन्दन यादवले पहिलो पटक स्थान बनाएका छन् । कमलसिंह ऐरी र आदिल अन्सारी भने टोलीबाट बाहिर रहे । खेल २ डिसेम्बरदेखि ८ सम्म हुनेछ । जहाँ आयोजक नामिबिया, नेपाल र स्कटल्यान्डको सहभागीता हुनेछ ।
शृंखलामा २० खेलबाट १७ अंक जोडेको नेपाल तालिकाको छैटौं स्थानमा रहेको छ ।
नेपालको टोलीः
रोहितकुमार पौडेल (कप्तान), आसिफ शेख, दीपेन्द्रसिंह ऐरी, कुशल भुर्तेल, ललित राजवंशी, सोमपाल कामी, सागर ढकाल, अर्जुन साउद, ज्ञानेन्द्र मल्ल, आरिफ शेख, गुलशन झा, करण केसी, हरिशंकर साह, नन्दन यादव
वि.सं.२०७९ मंसिर ५ सोमवार ०६:४४ मा प्रकाशित
