काठमाडौं । मंगलबार थप तीन कम्पनीहरुले लाभांश घोषणा गरेका छन् । उक्त दिन आइएमई जनरल इन्स्योरेन्स, लुम्बिनी विकास बैंक र रिडी पावर कम्पनीले लाभांश घोषणा गरेका हुन् ।
आइएमई जनरल इन्स्योरेन्स
आइएमई जनरल इन्स्योरेन्सको मंसिर ५ गते सोमबार बसेको सञ्चालक समितिको बैठकले गत आर्थिक वर्षको नाफाबाट सेयरधनीहरुलाई ६.५० प्रतिशत बोनस सेयर र कर प्रयोजनका लागि ०.३४ प्रतिशत नगद लाभांश वितरण गर्ने निर्णय गरेको हो ।
प्रस्तावित बोनस सेयर तथा नगद लाभांश नियामक नेपाल बिमा प्राधिकरण र आइएमईको आगामी वार्षिक साधारण सभाबाट अनुमोदन भएपछि वितरण हुनेछ ।
लुम्बिनी विकास बैंक
लुम्बिनी विकास बैंकले गत आर्थिक वर्ष २०७८/०७९ को मुनाफाबाट शेयरधनीहरुलाई लाभांश प्रस्ताव गरेको हो ।
बैंकको मंसिर २ गते बसेको संचालक समितिको बैठकले हाल कायम रहेको चुक्तापूँजीबाट ९ प्रतिशत नगद लाभांश र ३ प्रतिशत बोनस शेयर गरी कुल १२ प्रतिशत लाभांश वितरण गर्ने निर्णय गरेको हो ।उक्त लाभांश नेपाल राष्ट्र बैंकबाट स्वीकृति प्रदान भई आगामी वार्षिक साधारण सभाबाट पारित भए पश्चात मात्र शेयरधनीहरुलाई वितरण गरिनेछ ।
रिडी पावर कम्पनी
रिडी पावर कम्पनीको मंसिर ६ गते मंगलबार बसेको सञ्चालक समितिको बैठकले ४२.१० प्रतिशत लाभांश दिने प्रस्ताव गरेको हो ।
कम्पनीले ४० प्रतिशत बोनस सेयर र कर प्रयोजनका लागि २.१० प्रतिशत नगद लाभांश दिने प्रस्ताव गरेको छ । यो प्रस्ताव विद्युत नियमन आयोगले स्वीकृत गरेपछि कम्पनीको आगामी साधारणसभाले पारित गरेपछि सेयरधनीले पाउनेछन् ।
वि.सं.२०७९ मंसिर ६ मंगलवार २०:५४ मा प्रकाशित