काठमाडौं । श्री इन्भेष्टमेन्ट एण्ड फाइनान्स कम्पनी लिमिटेडले विशेष साधारण सभा बोलाएको छ । कम्पनीको मंसिर ७ गते बसेको संचालक समितिको बैठकले मंसिर २३ गतेका दिन बोलाएको हो ।
सभा कम्पनीको रजिष्टर्ड कार्यालय डिल्लीबजार, काठमाडौंमा विहान १० बजे बस्ने गरी सभा आव्हान गरेको हो ।
विशेष साधारण सभाले कम्पनीको गत असार २० गतेदेखि मंसिर २३ गतेसम्म वर्तमान सञ्चालक समितिले गरेको कामको अनुमोदन गर्नेछ ।
सभाले संस्थापक समूहबाट ३ जना र सर्वसाधारण समूहबाट ३ जना गरी ६ जना सञ्चालकहरूको निर्वाचन समेत गर्नेछ ।
विशेष साधारण सभा प्रयोजनका लागि कम्पनीले मंसिर १५ गते एक दिन बुक क्लोज गरेको हुदाँ मंसिर १४ गतेसम्म कायम शेयरधनीहरू मात्र सभामा भाग लिन पाउनेछन् ।
वि.सं.२०७९ मंसिर ८ बिहीवार १२:१६ मा प्रकाशित