काठमाडौं । कुमारी र एनसीसी बैंकले विशेष साधारण सभा बोलाएका छन् । एनसीसी र कुमारीले एक आपसमा मर्ज हुँदैछन् । दुवै बैंकले मुख्यरुपमा सोही प्रस्ताव राखेर एकै दिन मंसिर २५ गते विशेष सभा बोलाएका हुन् ।
सभामा सम्पति तथा दायित्व मूल्यांकन प्रतिवेदनका आधारमा तय भएको १ः१ सेयर स्वाप रेसियोमा मर्ज हुने प्रक्रिया सम्पन्न गर्ने कार्यलाई अन्तिम स्वीकृति दिने एजेन्डा रहेको छ ।
मर्जपछि जारी पुँजी, चुक्ता पुँजी र सोही अनुसार सेयर संरचना परिवर्तन हुने भएकाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव पेश हुनेछ ।
मर्जपछि कुमारी बैंकको नामबाट कारोबार हुनेछ । एनसीसीको सभा अनमोल बैंक्वेट शंखमुल काठमाडौंमा दिउँसो १ बजे नै सुरु हुनेछ । सभा प्रयोजनका लागि एनसीसीले पनि मंसिर १५ गते बुक क्लोज गर्दैछ ।
त्यस्तै, कुमारीको सभा दिउँसो १ बजे बैंकको नक्साल कार्यलयमा सुरु हुनेछ । सभा प्रयोजनका लागि कुमारीले मंसिर १५ गते बुक क्लोज गर्दैछ ।
वि.सं.२०७९ मंसिर ९ शुक्रवार १०:५० मा प्रकाशित
