काठमाडौं । कतारमा जारी फिफा विश्वकप फुटबलमा आज चार खेल हुँदैछन् । आज हुने पहिलो खेलमा समूह ‘इ’ मा रहेको जापान र कोस्टारिका आमनेसामने हुँदैछन् ।
उक्त खेल नेपाली समयअनुसार दिउँसो ३ः४५ बजे सुरु हुनेछ । त्यस्तै, आज हुने दोस्रो खेलमा समूह ‘एफ’का बेल्जियम र मोरक्कोबीच भीडन्त हुनेछ ।
उक्त खेल नेपाली समयअनुसार साँझ ६ः४५ बजे सुरु हुनेछ । विश्वकपअन्तर्गत आजै हुने तेस्रो खेलमा क्रोएसिया र क्यानडा आमनेसामने हुनेछन् ।
समूह ‘एफ’का क्रोएसिया र क्यानडाबीचको खेल नेपाली समयअनुसार राति ९ः४५ बजे सुरु हुनेछ । त्यस्तै, आजै हुने अन्तिम खेलमा समूह ‘इ’का जर्मनीले स्पेनको सामना गर्नेछ ।
उक्त खेल नेपाली समयानुसार राति १२ः४५ बजे सुरु हुनेछ ।
वि.सं.२०७९ मंसिर ११ आइतवार १३:५५ मा प्रकाशित