काठमाडौं । नेपाल बीमा प्राधिकरणले सात कम्पनीलाई लघुबीमा कम्पनीलाई छनोट गरेको छ । प्राधिकरणले निर्जीवन तर्फ चार र जीवन तर्फ तीन लघुबीमा कम्पनीहरुको छनोट गरेको हो ।
प्राधिकरणले सूचना जारी गर्दै ७ लघुबीमा कम्पनीको नाम सार्वजनिक गरेको हो ।
लघु निर्जिवन बीमा ब्यवसाय तर्फ ट्रष्ट माइक्रो इन्स्योरेन्स कम्पनी, नेपाल माइक्रो इन्स्योरेन्स कम्पनी, स्टार माइक्रो इन्स्योरेन्स कम्पनी र प्रोटेक्टिभ माइक्रो इन्स्योरेन्सले लघु बीमाको लाइसेन्स पाएको छ ।
त्यसैगरी, लघु जीवन बीमा ब्यवसाय तर्फ गार्डियन माइक्रो लाइफ इन्स्योरन्स, क्रेष्ट माइक्रो लाइफ इन्स्योरेन्स र लिबर्टी माइक्रो लाइफ इन्स्योरेन्सले लघु बीमाको लाइसेन्स प्राप्त गरेको छ ।
वि.सं.२०७९ मंसिर ११ आइतवार १७:१० मा प्रकाशित