काठमाडौं । आईतबार र सोमबार थप दुई कम्पनीहरुले लाभांश घोषणा गरेका छन् । आरएमडिसी लघुवित्त वित्तीय संस्था र नेपाल हाइड्रो डेभलपर लिमिटेडले लाभांश घोषणा गरेका हुन् ।
आरएमडिसी लघुवित्त वित्तीय संस्था
आरएसडिसी लघुवित्त वित्तीय संस्था लिमिटेडको मंसिर १० गते, शनिबार बसेको सञ्चालक समितिको बैठकले लाभांश घोषणा गरेको हो ।
संस्थाले गत आर्थिक वर्ष २०७८/७९ को मुनाफाबाट संस्थाका शेयरधनीहरूलाई चुक्ता पूँजीको ८ प्रतिशत बोनस सेयर र कर प्रयोजनका लागि ३ प्रतिशत नगद लाभांश गरी कुल ११ प्रतिशत लाभांश वितरण गर्ने घोषणा गरेको हो ।
उक्त प्रस्तावित लाभांश राष्ट्र बैंकबाट स्विकृत भई र संस्थाको आगामी साधारण सभाबाट पारित भएपछि वितरण गरिनेछ ।
नेपाल हाइड्रो डेभलपर लिमिटेड
नेपाल हाइड्रो डेभलपरको मंसिर ११ गते, आईतबार बसेको सञ्चालक समितिको बैठकले लाभांश घोषणा गरेको हो ।
संस्थाले गत आर्थिक वर्ष २०७८/७९ को मुनाफाबाट संस्थाका शेयरधनीहरूलाई ५ प्रतिशत बोनस र कर प्रयोजनका लागि ०.२६३२ प्रतिशत नगद लाभांश गरि कुल ५.२६३२ प्रतिशत लाभांश दिने भएको हो ।
उक्त प्रस्तावित लाभांश विद्युत नियमनबाट स्विकृत भई र संस्थाको आगामी साधारण सभाबाट पारित भएपछि वितरण गरिनेछ ।
वि.सं.२०७९ मंसिर १२ सोमवार १९:२५ मा प्रकाशित
