काठमाडौं । साताको तेस्रो कारोबार दिन सेयर बजार २.९९ अंकले बढेको छ । उक्त दिन सबैभन्दा बढी हिमालयन डिस्टीलरीको कारोबार भएको छ । आज कम्पनीको ९ करोड ७२ लाख ७५ हजार रुपैयाँको कारोबार भएको छ ।
कारोबार रकमको आधारमा दोस्रो स्थानमा रहेको नबील बैंकको ४ करोड ३१ लाख ६१ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन शिभम् सिमेन्टको ४ करोड २२ लाख ४ हजार रुपैयाँ, नेष्डो सम्वृद्ध लघुवित्तको ३ करोड १८ लाख ५९ हजार रुपैयाँ र एनसीसी बैंकको २ करोड ५२ लाख २५ हजार रुपैयाँको कारोबार भएको हो ।
वि.सं.२०७९ मंसिर १३ मंगलवार १५:१२ मा प्रकाशित
