काठमाडौं । प्रतिनिधिसभाको समानुपातिकतर्फ एक करोड १२ हजार भन्दा बढी मतगणना भइसकेको छ ।
करोड बढी मत गणना हुँदा नेकपा एमालेले २६ लाख ९७ हजार ६ सय ६४ मत पाएको छ भने नेपाली कांग्रेसले २५ लाख ५५ हजार १ सय ५९ मत पाएको छ ।
त्यसैगरी नेकपाले ११ लाख ४१ हजार २ सय ७३ मत पाएको छ । राष्ट्रिय स्वतन्त्र पार्टीले १० लाख ९७ हजार ७ सय ८९ मत सहित चौथो स्थानमा छ ।
राष्ट्रिय प्रजातन्त्र पार्टीले ५ लाख ७० हजार ३ सय ४, जनता समाजवादी पार्टीले ३ लाख ९३ हजार ५ सय ९९ मत, जनमत पार्टीको खातामा ३ लाख ५४ हजार ३ सय ८५ मत पाएको आयोगले जनाएको छ ।
नेपाल कम्युनिष्ट पार्टी एकीकृत समाजवादीले २ लाख ८२ हजार १ सय ८९ मत पाएको छ । नागरिक उन्मुक्ति पार्टीले २ लाख ४४ हजार ३ सय ४३ मत पाएको छ ।
लोकतान्त्रिक समाजवादी पार्टी नेपालले १ लाख ४८ हजार ५ सय ७ मत पाएको छ । यो निर्वाचनमा जम्मा एक करोड नौ लाख हाराहारीमा मत खसेको थियो ।
वि.सं.२०७९ मंसिर १४ बुधवार ११:४९ मा प्रकाशित