काठमाडौं । नेपाल पर्यटन तथा होटल व्यवस्थापन प्रतिष्ठान (नाथम) को कार्यकारी निर्देशकमा नारद कुमार लुईंटेल नियुक्त भएका छन ।
संस्कृति पर्यटन तथा नागरिक उड्डय मन्त्रालयमा मिति २०७९ पुष ८ गते भएको मन्त्री स्तरीय निर्णयबाट लुईंटेललाई आगामी चार वर्षको लागि नियुक्त गरेको हो । लुईंटेलले आजै पद वहाल गरिसकेका छन् । मन्त्रालयले लामो समयपछि कर्मचारी बाहिरबाट नाथमको नेतृत्वमा पठाएको हो ।
नाथम त्रिभुवन विश्व विद्यालयबाट मान्यता प्राप्त पर्यटन क्षेत्रका लागि दक्ष जनशक्ती उत्पादन गर्ने सरकारी प्रतिष्ठान हो । नाथमले सात वटा प्रदेशमा शाखा स्थापना गरी होटल तथा पर्यटन क्षेत्रका लागि दक्ष जनशक्ती उत्पादन गर्ने र सरकारको पर्यटन सम्बन्धी नीति निर्माण र अनुसन्धानको काम गर्दै आएको छ । होटल व्यवस्थापन तथा पर्यटन अध्ययन गर्ने विद्यार्थीहरुलाई अन्तराष्ट्रिय स्तरको शिक्षा प्रदान गर्ने र विभिन्न तालिम मार्फत स्वरोजगार जनशक्ती उत्पादन गर्ने काम नाथमले गर्दै आएको छ ।
लुईंटलेले आफ्नो कार्यकालमा पर्यटनसंग सम्बन्धित नीति तथा योजना निर्माण र व्यवस्थापकिय काममा गर्व गर्न लायकको बनाउने सोच रहेको बताए । लुईंटेल यसअघि तारा गाउँ विकास समितिको सदस्य सचिव भएर काम गरिसकेका अनुभवी व्यक्ति हुन ।
वि.सं.२०७९ पुस ८ शुक्रवार १९:४२ मा प्रकाशित