काठमाडौं । सिटिजन्स बैंक इन्टरनेसनलले संस्थापक सेयर बिक्रीमा ल्याएको छ । बैंकका सेयरधनी मान बहादुर भुसालको नाममा रहेको १३ हजार ६३०.३१ कित्ता संस्थापक सेयर बिक्री खुला गरेको हो ।
बैंकले प्रतिकित्ता सेयरको न्यूनतम भाउ १५० रुपैयाँ तोकेको छ । यसमा बैंकका विद्यमान संस्थापक सेयरधनीले आवेदन दिन सक्नेछन् ।
सेयर खरिद गर्न इच्छुक संस्थापकले ३५ दिन भित्र बैंकको केन्द्रीय कार्यालय नारायणहिटी पथमा निवेदन पेश गर्नु पर्नेछ ।
उक्त समयमा संस्थापक सेयरधनीको आवेदन परेन भने अन्य व्यक्ति वा संस्थालाई सेयर बिक्री गरिने बैंकले जनाएको छ ।
वि.सं.२०७९ पुस १० आइतवार १४:२९ मा प्रकाशित